Yahoo! ilə təkrar danışıqlar zamanı Microsoft korporasiyası şirkətin axtarış aktivlərinə görə bir milyard dollar təklif edib.
Yahoo!-nu əldə etməklə yanaşı Microsoft korporasiyası şirkətə 8 milyard dollar qoymaq niyyətində idi. Microsoft korporasiyasının Yahoo! şirkətinə etdiyi təklifdə axtarış sahəsində uzunmüddətli əməkdaşlıq nəzərdə tutmuş idi.
Uğursuz danışıqlardan bir neçə saat keçdikdən sonra Yahoo! şirkəti Google-la arasında əldə olunmuş razılıq haqda bəyan edib. Axtarış sisteminə ildə 800 milyon dollar gətirəcək bu sazişdə, Google reklam texologiyalarının Yahoo! səhifələrində istifadə olunmasını nəzərdə tutub.
Yahoo! şirkətinə 40 milyard dollardan çox pul təklif edən Microsoft korporasiyası bir neçə ay müddətində onu əldə etmək istəkləri uğursuz alınıb.
Sonralar Yahoo! səhmdarları axtarış sisteminin top-menecerlərini sazişin pozulmasında günahladırılar. Bu səbəbdən onlar səhmdarların növbəti toplantısında Yahoo! direktorlar şurasının tərkibini istefaya göndərməyə çalışacaqlar.

Yeni(dən) fəaliyyətə başlamış bloglarımızdan birində ( maklayaq.blogspot.com ) internet saytlarındakı təhlükəsizlik məsələsinə aid bir yazı oxudum və Oxatan istifadəçiləri ilədə paylaşmaq istəyirəm.
Dünyanın qabaqda gələn təhlükəsizlik firmalarından McAfee tərəfindən edilən araşdırmaya görə, internetdə "surf" etmək istəyənlər üçün Hong Konga aid və ".hk" ilə bitən saytlar "ən təhlükəli saytlar" olaraq təyin olundu.
Araşdırmaya görə ".hk" ilə bitən bütün saytların yüzdə 19,15i "istifadəçilər üçün risk faktoru" daşıyır. Çinə aid ".cn" ilə bitən saytların isə yüzdə 11,76-sıı istifadəçilərin fərdi məlumatlarına ya da kompüterlərinə zərər verə biləcək xüsusiyyətdədir.
Çini yüzdə 7,72 ilə Filipin izləyir. Finlandiyənin ".fi" ilə bitən saytları yüzdə 0,05 ilə "ən etibarlı" sahə olarkən onu yüzdə 0,13 nisbət ilə ".jp" ilə bitən Yaponiyaya aid saytlar izləyir. Yaponiyanın ardından 0,15 nisbətlə Norveç gəlir.
McAfee, inkişaf etdirdiyi "SiteAdvisor" texnologiyası ilə 265 ölkədən müxtəlif uzadılmalara sahib təxminən 10 milyon ədəd sıx trafikə sahib saytı araşdırır.
Araşdırmada saytların "adware", "spyware", "virus", "spam", "pop-ups" (avtomatik açılan səhifələr), skaner səhvlərini istifadə etmə ya da digər təhlükəli olaraq xarakterizə edilən saytlara istiqamətləndirilməsini dərəcələndirilir.
McAfeenin araşdırmasına görə keçdiyimiz il cib telefonu melodiyası, ekran qoruyucu kimi ödənişsiz proqram verən saytların böyük hissəsində, proqramların içərisinə gizlənmiş müxtəlif "trojan atları" və viruslar təsbit edildi.

Runet-də, Yahoo şirkətinin rusiyanın iri axtarış portallarından birini əldə etmək məqsədilə danışıqların aparması barədə şayiələr peyda olub. Çox güman ki, söhbət Yandex portalından gedir.
Maraqlıdır ki, bu yaxınlarda Yandeks İPO-ya çıxmağı haqda bəyan edib. Lakin bu gün şəbəkədə peyda olan şayiələrdə Yahoo-nun Rambler təmsilçiləri ilə görüdüyü deyilir.
Mütəxəssislər hesab edirlər ki, Yandeksin dəyəri minimum 1 milyard dollar təşkil edir. Şirkətin əməkdaşları isə onun dəyərini 5 milyard dollara qiymətləndirirlər.

P.S. Sonrada deyirlərki Yahoo ağır vəziyyətdədir .

Associated Press agentliyinin verdiyi məlumata əsasən, amerikalı evsiz adam özünü milyaner kimi təqdim edərək, 13 qadından 100 min dollara yaxın pul götürüb.
Çərşənbə günü 50 yaşlı Pol Krüger, dələduzluq və oğurluq faktında günahkar bilinərək məhkəmə qarşısında durub. Belə ki, Krüger gələcək qurbanlarını millionairematch.com milyonerlərlə tanışlıq saytında tapırmış. İnternetə evsiz adam özünün noutbuku vasitəsi ilə daxil olurmuş. Bu fırıldaqçı qadınlara özünü, “Qremmi” mükafatı laureatı və mediamaqnat kimi təqdim edərək, onlardan CD və DVD buraxılması üçün yeni layihənin işə düşməsi məqsədilə maliyyənin lazım olduğu bildirmişdir. Düzgünlüyünü sübüta yetirmək üçün Krüger gələcək səhmdarlına özünün mövcud olmayan biznesinin gəlirləri haqda hesabatı göstərirmiş.
Aldanılmış qadınlar “mediamaqnata”, onun keçmiş həyat yoldaşının ünvanına qəbzlər gödərmişdilər. Keçmiş həyat yoldaşının cinayətkarla əlbir olması haqda məlumat yoxdur.
Polis Krügeri həbs edərkən, onun cibində cəmi 1 dollar 28 sent pul var imiş. Əldə etdiyi pulları evsiz adam əyləncəli oyunlara xərcləyib.

Bu turşməzə bizim dilimizdəki qarşılığıdır. Türk qardaşlarımız buna ekşi deyirlər. Üstəlik bunun lüğətini də düz-qoş ediblər, olub ekşi sözlük. Bu gün webxana`ya baxanda öz aramızdı deyə bir link gördüm. Clickləyib baxanda isə tanış bir protatiplə qarşılaşdım. Bu həmin o türk qardaşlarımızın ekşi sözlüyünə bənzər bizim yerli turş-məzə lüğətimiz imiş. Uğur olsun deyək. Saytın domaini Fanat.az olaraq gördüm. Bu adın nəmənə bir əlaqəsi olduğu haqqında isə bir fikir yeridə bilməyəcəm. Elə mənədə maraqlıdırki bu fanatlığın, lüğətlə nə əlaqəsi var? Əsas bunu öyrənmək istərdim. Ancaq tərtibat olaraq demək olarki tamamilə bənzədiblər və uğurlu alınıbdı. Yeni olduqlarına görə çox sözün turş qarşılığını tapmaq çətindir, bu problemidə zaman həll edər yəqinki...

Bu gün Google`dan istifadə edəndə maraqlı bir yenilik gördüm. Adət etdiyimiz həmişə gördüyümüz favicon ( Böyük G hərfi - aşağı və yuxarıda yaşıl rəng, solda göy, sağda isə qırmızı rəng ) artıq dəyişilib. Yazının şəklindən də göründüyü kimi address bar da göy rəngli kiçik g hərfi var. Bu dəyişikliyin səbəbi haqqında daha bir şey eşitməmişəm. Ancaq bir qədər qabarıq olduğu və WEB 2.0 standartına yaxın olduğu görünür. Bundan Google`da böyük dəyişiklik olacağını söyləmək də olar. Bəlkə Google`da yeni Web texnalogiyasına keçəcək, bəlkə də bu sadə bir dəyişiklikdir və sadəcə favicon dəyişməklə qalacaq demək çətindir. Ancaq belə böyük kompaniyalarda xırda dəyişikliklər adətən olmur. Ehtimal etmək olarki Google`dan yenilik olacaq. Hər halda irəliləyən günlər bunu göstərəcək. Mən isə yeni nəsə eşidib bildiyim anda sizinlədə bölüşəcəm.

Açıq brauzer istehsalçısı Firefox Mozilla Corporation şirkəti Ginnesin rekordlar kitabına düşmək niyyətindədir. Firefox 3 versiyası işıq üzü gördükdən dərhal sonra, ilk 24 saat ərzində istifadəçilər tərəfindən yüklənilməsini müəyyən etmək üçün şirkətin Kaliforniyadakı ofisinə komitənin nümayəndələri gələcəklər. Bu günə rekordlar kitabında “Yükləmənin sürəti və miqdarı” adlı kateqoriya mövcud deyil, lakin iyun relizindən sonra əlavə oluna bilər.
Mozillada deyirlər ki, relizdən sonra ilk sutkalar ərzində yükləmənin miqdarı 1.6 milyon təşkil etməlidir, ancaq bu rəqəm 5 milyonadək arta bilər. Xatırladaq ki, açıq brauzerin final relizi 2008-ci ilin iyun ayının ortalarına planlaşdırılıb. Bu günə brauzerin sonuncu versiyası Firefox 3 Release Candidate 1 (RC1) sayılır. Bundan əlavə Mozilla korporasiyasında deyirlər ki, ilk gündə 175 milyon nəfər Spread Firefox saytında Firefox 3 məhsulunu əldə etmək istədiklərini bildiriblər.

Yahoo! şirkətinin baş direktoru Cerri Yanqın, D: All Things Digital konfransında etdiyi bəyanata əsasən, BBC News xəbər verir ki, Yahoo! Microsoft korporasiyası ilə mümkün olan partnyorluq sazişi haqda müzakirələri davam etdirir. Yanq rəhbərlik etdiyi şirkətlə Microsoft arasında əməkdaşlıq barədə danışıqların olmasını təsdiq edib və bu dəfə söhbətin korporasiya tərəfindən Yahoo! axtarış sisteminin alınması haqda getmədiyini vurğulayaraq dəqiqləşdirib.
Həmçinin Yahoo! şirkətinin baş direktoru qeyd edib ki, korporasiyası tərəfindən şirkətin alınmasına prinsipial olaraq etiraz etmədikləri halda Microsoft bu təklifini geri götürüb. Olunan təklifdə yalnız qiymət qane etməyib.
Xatırladaq ki, Yahoo! axtarış sistemini əldə etmək niyyətində olan Microsoft korporasiyası, 2008-ci il yanvarın 31-də 44.6 milyarda dollar təklif edib. Bu rəqəm öz növbəsində həmin vaxt Yahoo!-nun bazar qiymətindən 62% çox idi. Lakin bir neçə ay sürən danışıqlar nəticəsində tərəflər razılığa gəlmədiklər və bu saziş baş tutmadı.

 Almaniyanın Unteralqau şəhərindən olan gənc cütlük "eBay" hərracına 8 aylıq körpələrini satışa çıxarıblar. Start qiyməti isə 1 avro təyin edilib. Hərracın səhifəsini ziyarət edənlər hiddətlənərək dərhal polisə xəbər veriblər. Onları daha çox isə lotun təsviri şoka salıb: "Mənim üçün həddən artıq səs-küylü problemə çevrilən tamamilə yeni uşaq təklif edirəm. Kişi cinsindəndir. Boyu 70 santimetrdir. Müştəri nəqliyyat xərclərini öz üzərinə götürməlidir. Qeyri-ciddi təkliflərlə narahat etməyin". Elan "eBay"ın səhifəsindən 2,5 saatdan sonra silinib. Daha bir neçə saatdan sonra isə Almaniya polisi 23 yaşlı ana və həyat yoldaşını həbs edib. Onlar uşaq alveri ilə məşğul olmaqda ittiham edilirlər. İstintaq zamanı qadın hər şeyin bir zarafat olduğunu bildirib. Lakin asayiş keşikçiləri tam fərqli fikirdədirlər. Şənbə günü körpə gənclərlə iş üzrə yerli komitənin iki əməkdaşının müşayiəti ilə uşaq xəstəxanasına göndərilib. Tezliklə ata və ananın valideynlik hüquqlarından məhrum olunması haqqında məsələnin gündəmə gəlməsi istisna olunmur. Bu arada isə qadının "eBay"da kifayət qədər etibarlı müştərilərdən olduğu önə çəkilir. O, dəfələrlə hərracda iştirak edib və müxtəlif lotlara sahıb çıxıb.

Bir müddət əvvəl istifadəçilərimizdən birinin şərhlərdə yazdığından belə bir xəbər tutduqki day.az`ı mail.ru statistika sistemindən qaydaları pozduğuna görə kənarlaşdırıblar. Bu xəbəri webxanadan oxuduq Aznet olaraq. Bu day.az ın imici üçün çox mənfi hal idi. Həm reklamverənləri bu qədər çox olan saytın statistika ölçənin fırıldaqlıqla çoxaltması ilk əvvə ona maddi ziyan vura bilərdi. Elə buna görə də məsələyə dərhal rəsmi açıqlama gəldi. Sən demə bu day.az`ın fırıldağı deyilmi. Sitat: им объясняю. что на их счетчике на Дей.Аз-е не видно цифр и нет никакой логики для нас накручивать счетчик… ведь он закрыт и цифр не видно…

Они говорят, что у вас на главной странице идет рефреш через каждые 15 минут, и это нарушение пункта 11 их правил… я им говорю. что РБК каждые две минуты делает это… почему ничего не делаете им? Они говорят - отвечайте за себя..

Мстят за нашу кампанию против Агента.Мейл.ру где они написали Нагорный Карабах, как армянскую территорию…

Day.az rəhbərliyinin bütün rəsmi açıqlamalarını oxuya və sual verə bilməyiniz üçün isə mak.az`ın forumunu ziyarət etməli olacaqsınız.

Mövzumuza qayıtsaq isə sən deməi "qara qızın dərdi varmış". Əsas səbəb qayda pozuntusu filan deyil. Məhz bundan sonra trend`də eyni halı müşahidə etmək olardı. Onların reytinqdən kənarlaşdırılma səbəbi isə Rus dilində olmaması idi. Bu da cəfəngiyyatdır. Trend Azərbaycan dilindən çox rus dilində xəbər verir. Məsələni daha aydın başa düşmək üşün, mail.ru nu whois etmək kifayət edir. Qeydiyyatçı e-maili gabrelyan@corp.mail.ru . Mənim bildiyimdə bu erməni familyasıdır. Artıq yazmağıma isə gərək yoxdur deyə düşünürəm.