Bu günlərdə qarşıma çıxan saytlardan biri haqqında qısa məlumat vermək istədim. iNet`ə qogal`ı üzv elərkən rastıma çıxdı sayt. TV proqramların olduğu Azərbaycan dilində tvinfo.az adlı saytdır. Çox istifadəyə yararlı saytdır. Təkcə yerli kanallar deyil Azərbaycanda yayımlanan bir çox kanalları əhatə edir. Kabel televiziyalarında yayımlanan türk, rus və s kanalların həftəlik proqramını kanalın yayım dilinə uyğun olaraq əldə etmək mümkündür.
Saytda mənə çatışmayan cəhət kimi görsənən logo`suz olmağı idi. Blog yazısını yazanda istədim logo`sunu yerləşdirim xəbərdə. Ancaq logosu olmadığından saytın screenshotunu yerləşdirməli oldum. Başqa hələki mənfi cəhəti gözümə dəymədi. Onsuzda sırf kontentin aparıcı mövqeyə malik olduğu saytdır. Əgər mütəmadi olaraq yenilənsə və bir az daha çox informasiya əlavə olunsa irəli gedər. Məsələn verlişlər haqqında qısa məlumatlar və ya  filmlər haqqında yazılar, filmin sujet xətti və s.
Əgər TV`ə baxmağa vaxtınız olursa, istifadə etməyiniz məsləhətdir...

Bu gün "Novruz Bayramı"dır. Bütün Azərbaycanlıları və bu bayramı qeyd edən bütün türk dünyasını təbrik edirəm. Azərbaycan xalqına nə xoş diləklər, arzular varsa hamsını arzu edirəm.
Mənə bu bayramda ən çox surpriz olan və ya belə deyimki ən çox bayram hədiyyəsi olan, friendfeed`in logosunda Novruz Bayramının atributlarının əks olunduğunu görmək oldu. Əksərən bu tip bayram logolarını Google`da görməyə alışmışdım. İlk dəfə Novruz Bayramını belə mötəbər xarici saytın qeyd elədiyinin şahidi oldum. Ümid edirəmki gələn ildə Google`da görərik.

P.S. Əgər mövzu ilə əlaqəli ətraflı məlumat əldə etsəm yazıya əlavə edəcəm...

Son günlərdə "BarCamp Caspian"a hazırlıq və digər işlərə görə təəssüfki çox vaxt edib blogda yaza bilmirəm. Barcamp demişkən, artıq sona yaxınlaşılır. Barcampla bağlı bir çox işlər görülüb, mətbuat konfransı, universitetlərdə MiniBarlar keçirilir. Bir çox mötəbər xarici qonağın gəlməyini də gözləyirik.
Barcampa görə bu il Netty ikinci plana düşübdü nəzərimdə. Onsuzda Netty`ni əsasən yeni servisin tanıtılması məqsədilə istifadə edib hər hansı yeni bölməni üzv edirik. Bu dəfədə ənənəyə sadiq qaldıq demək olar. Keçən il Oxatan`ı üzv eləmişdik. Bu ildə sadəcə news.xazar.com`u tanıtmaq məqsədi ilə üzv etmişik. Nəsə mənə elə gəlirki bu il Netty`ə bir qədər maraq azalıbdı. Bəlkə də bu il Barcamp`a daha çox baş qoşmuşam ona görədir dəqiq bilmirəm. Adətən Netty mükafatı ərəfəsində reytinq sistemlərinə ( ilk10 , inet və s. ) üzv olmayan saytları burada görmək mümkün olurdu. Bir qayda olaraq bu tip yeni maraqlı saytlarla qarşılaşırdım. Ancaq bu il hələki yeni gördüm deyə biləcəyim bir sayta rast gəlmədim Netty`də.
Netty demişkən, artıq bu Oxatanla gördüyümüz ikinci Netty mükafatıdır. Keçən il blog`da yazmağa başladıqdan qısa zaman sonra Netty barədə yazılar yazmağa başlamışdıq. Yəni Oxatan`ın açılmasından da 1 il ötür artıq. Keçən il fevralda başlayan bloqçuluq macərası 1 ili ötüb keçdi. İlk əvvəl yazmağa başlayanda daha aktiv idik. Hesab edirəmki bu da təbiidir. İlk başda adamın ürəyində yığılıb qalmış bir xeyli sözü olur və bu yığılmış fikirləri daha tez-tez işıqlandırır. Vaxt keçdikcə isə düşündüklərimizi təkrarlamamaq və yeni düşüncələri bölüşmək istəyinə görə artıq ilk vaxtdakı kimi tez-tez yaza bilmirik. Hətta blogu ilk yazmağa başlayanda fikirləşməmişdik ki, ancaq xüsusi maraq sahəsinə aid yazılar yazarıq. Elə gündəli düşüncələr və müxtəlif hadisələrə olan reaksiyalarımızı yazırdıq. Ancaq getdikcə həm oxucu kütləsi, həm də şəxsi maraq dairəsi blogun internet və texnologiya sahəsində olmasına gətirib çıxardı. Bundan sonra çalışacağıqki daha tez-tez fikirləri bölüşək. Daha çox istərdimki internet sahəsində daha çox məlumatlı və bu sahənin içindən olan bir neçə nəfər daha yazsın blogda. Ümid edirəm ki, bu da olar...

Mart ayında Azərbaycanda ilk dəfə keçiriləcək Barcamp`ı dəstəkləyənlər artır.
Xəbər verdiyimiz kimi, 27-29 Mart tarixlərində Bakıda, Qafqaz Universitetində "Barcam Caspian 2009" adlı İnformasiya texnalogiyalarına aid qeyri-konfransı keçiriləcək. Tədbirdə yerli İT mütəxəsisləri ilə birgə bir çox xarici qonağın iştirakı da gözlənilir. Artıq tədbirin keçirilmə vaxtı yaxınlaşdıqca ona maraq daha da artır. İndi tədbirin sponsorlarından biri dünyanın tanınmış markası olan "HP"nin Azərbaycan nümayəndəliyidir. Bundan başqa dünyada tanınmış internet səyyahı olan, Azərbaycanda da kifayət qədər istifadə edilən "Opera"nın məxsus olduğu "Opera Software" şirkətidir. Eyni zamanda tədbiri dünyanın və Azərbaycanın aparıcı saytlarıda dəstəkləyir və tədbirin keçirilməsinə köməklik edirlər.
Barcamp konfransı proqramçılar, koderlər, kontent menecerləri və İnternet layihələrində çalışan digər mütəxəssislər, sayt sahibləri və saytları idarə edən admistratorlar, bloggerlər, netvorkçular, müasir media jurnalistləri, internet layihələri hazırlayanlar, eləcə də uğurlu və ya uğursuz İnternet layihəsi tarixinə malik olanlar, layihələrinin reallaşdırılması üçün resurslara ehtiyacı olanlar, eləcə də kadr və tərəfdaş axtarışına çıxanlar, bu sahələrdəki təcrübələrini bölüşməklə yanaşı həm də təcrübə öyrənmək istəyənlər, konfransın əhatəsində olan mövzular üzrə təhsil alanlar, tədris edənlər, eləcə də onlarla dərindən maraqlananlar və  bu sahələrə aid hamı üçün açıqdır.

Day.az`dan bir məlumat oxudum, .az domain zonasında olan statistika ilə bağlı idi. Yazıldığına görə bu günə kimi .az sonluqlu 8042 domain qeydiyyatdan keçibmiş. Düzdü ortalıqda çox az düz-əməlli sayt olsa da qeydiyyatın sayı çox kimi görsənir. Böyük ehtimallada kim xoşuna gələn domain olanda alırki nə vaxtsa lazımı olar. .Az zonasındakı statitika isə belədir:
.name.az - 1
.pro.az - 1
.biz.az - 6
.co.az - 14
.info.az - 14
.edu.az - 52
.gov.az - 62
.pp.az - 97
.int.az - 101
.net.az - 109
.org.az - 130
.com.az - 502
.az - 6953

Bu yaxınlarda qarşıma maraqlı bir sayt çıxdı. Həm adresi ilə, həmdə də ideyası ilə, həmdə görünüşü ilə. Mövzunun başlığı isə belə demək olarsa saytın sloqanıdır. Deməli əvvəl başdıyım saytın adresindən. Adresi URL.AZ`dır. Elə funksiyasıda adına uyğundur. Məqsədi odurki, uzun uzadı olan URL`ları sadələşdirib kiçiltsin. Məsələn uzun bir URL:  http://news.xazar.com/az/28582/teymur_r%C9%99c%C9%99bov_erm%C9%99niy%C9%99_qalib_g%C9%99lib.html . Əgər bunun qısalması bizə lazımdırsa onda URL həmin bu saytda qısaltmaq mümkündür. Qısaltdım və oldu http://url.az/3l asan və yadda qalan. Bir də bu tip saytlarda ən sevdiyim xüsusiyyətlərdən biri də daimi nəzarət gərəkdirmir. Sadəcə servisdir və yorucu olmur. Saytın görünüşüdə maraqlıdır. Məşhur lətifənin bir az dəşilmiş formasını sanki canlandırıblar. Elə sloqanıda həmin lətifənin final sözünü xatırladır. Bu saytın ideyasının nə qədər uğurlu olacağını, nə qədər lazımlı servisdir demək çətin olsada, hər halda maraqlı ideyadır və çox sərmayə tələb etmədiyindən hər bir halda uğurlu olacaq. Ümid edirəmki çox uğurl( ar)u olar.

Bir müddət olarki Xazar.com`da yeniləşdirilmə işləri gedirdi. Nəhayət işin böyük hissəsi başa çatdı. Göz önünə çıxarılası nəsə var. Bundan sonrada təkmilləşdirmə işləri davam edəcək. Amma hələki neçə vaxtdır istifadəsi dayanan xəbərlər bölməsi (Xazar.info) açıldı. İndi Xəbərlər bölməsində əsasən günün əsas xəbər başlıqları, press-relizlər yer alacaq. Yəni xəbərlər bölməsi heç də Lent.az ya apa.az`a rəqib olmaq üçün deyil. Əsasən informasiya yaymaq səlahiyyətini saxlamaq üçündür. Daimi yenilənən və çox operativ xəbər yaymaq üçün Media İzləmə Mərkəzi ( news.xazar.com) adlı bölmə əlavə olundu. Burada əsas aparıcı online internet xəbər saytlarındakı xəbər başlıqları toplanılır. Məqsəd bütün xəbərləri eyni platformada toplamaqdır. Bu bölmə üçün gələcəkdə edilməsi nəzərdə tutulan xüsusi planlar varki tərkibi daha da genişləndirilsin. Hələki ancaq RSS xidməti olan online xəbər saytlarının xəbər başlıqları burada toplanır.
Bunlardan başqa Xazar`da giriş səhifəsinə əl gəzdirildi. Sayta hava proqnozu bölməsi əlavə edildi. Hava haqqında məlumatlar isə gün ərzində bir neçə dəfə yenilənərək Azərbaycanın bir neçə regionundakı (30`dan artıq) hava haqqında olan məlumatları verir. Azərbaycanda rəsmi olaraq Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosu tərəfindən internetdə hava haqqında məlumatlar yerləşdirilmədiyindən, hava proqnozlarını beynəlxalq Customweather datalarından istifadə edərək yayımlanır.
Bundan başqa Xazar.Name internet jurnalında artıq 2 ay əvvəldən yeniləşdirmə işləri aparılmışdı, yeni idman bölməsi əlavə olundu. Hansıki burada günün əsas idman xəbərlərilə tanış olmaqdan əlavə aparıcı futbol liqalarından canlı hesablarla və turnir cədvəlləri ilə tanış olmaq imkanı var. Əıavə olaraq Mobil telefonlar üçün contentlər əlavə olunmuşdur.
Yeniliklər yenə də davam edəcək...

Ölkənin və hətta demək olarki Qafqazın ən reytinqli saytı fəaliyyətini dayandırıbdı. Dünən günortadan səs - sədası yayılmışdı xəbərin. Məndə o dəqiqə fikrimi yazmadımki bir gözləyim görüm bu nə məsələdir. Bəzi KİV`lərdə belə xəbər yayıldıki bəs saytın domainini əllərindən alıblar, çünki whois etikdə sayt haqqında məlumatlar görsənmirdi. Bəzi KİV`lərdə deyildiki day.az rəhbərliyi başısoyuqluq edib bəs domainin vaxtı bitdiyi halda onun haqqını ödəməyiblər. Hətta iş o yerə çatdıki dövlət məmurlarıda bu haqda açıqlama verdiki bəs saytın bağlanmasında dövlət təzyiqi olmayıbdı. Bu kimi teryaların artma səbəbi isə day.az rəhbərliyinin heç bir açıqlama verməməsi olmuşdu. Bir müddət sayta heç daxil olmaq mümkün olmurdu, axşam 17.00 radələrində artıq sayta daxil olmaq mümkün idi. Saytda isə yalnızca yazılmışdıki "Proyekt öz fəaliyyətini dayandırıb". Bundan sonrada KİV`lərdə bu haqda bir xeyli məlumat dərc olundur. Sonra saytın təsisçilərindən olan Anar Məmmədxanlı açıqlama verdiki bəs texniki səbəblərə görədir 1 həftə sonra yenidən bərpa olunacaq fəaliyyət. Çox keçmədiki day.az`ın girişindəki yazı dəyişdi və yazıldıki 25 fevralda yenidən fəaliyyətə başlayaca. Texniki problemlərə görə fəaliyyəti dayanıbdı. Bəs görən elə əsl səbəb budur? Bu texniki problem hansıdır. Onu deyə bilərəmki saytın serveri işlək vəziyyətdədir. Day.az`a məxsus Boss.az domaininə rahat daxil olmaq mümkündür. Digər tərəfdən day.az`da elə texniki yöndən çox mürəkkəb bir sayt deyilki deyək nəsə problem yaranıbdı. Bundan sonrada başqa ssenarilər yaranmağa başlayır. Bu day.az`ın növbəti PR kompaniyası ola bilər. Bununla özlərinə diqqət çəkmək istəyirlər. Buna da kifayət qədər nail oldular. Artıq internetdə hər kəs day.az`dan danışır. Üstəlik day.az`ın uzun müddətdir gerçəkləşdirməyə çalışdığı Azərbaycan dilində xəbər saytı proyektidə var idi. Uzun müddətdir həmin saytın adını eşidib üzünü görmürdük. Bəlkə də bu elə məhz həmin saytın təqdimat mərasimi idi. Çünki day.az rəhbərliyi açıqlamasında qeyd etdiki ola bilsin Azərbaycan dilində də xəbər versinlər. Həm bu saytı bağıamaq onlara imkan verərki reklam qiymətlərinidə qaytarsınlar. Saytı bağlayıb bütün müştərilərdən üzr istəyib pullarını qaytararlar, fəaliyyətə başlayandan sonra yenidən qiyməti qaldırıb reklamları qəbul etməyə başlayacaqlar. Səbəbdə açıqdıki xeyli texniki xərcimiz çıxdı, bundan başqa ictimaiyyətin diqqətinidə xeyli çəkdik və qiymətimiz qalxdı..... Bunun kimi bir çox fərziyyələr irəli sürmək olar. Əsas 25 fevralı gözləmək lazımdır. Görək nə kimi dəyişikliklər olacaq. Bəlkədə gözümüzü mazol edən day.az`ın klassik dizaynını da dəyişdilər...

Barcamp Caspian 2009`a hazırlıq işləri davam edir. Artıq bu məqsədlə maarifləndirici MiniBarlar təşkil olunmağa başlayır. İlk MiniBar Sumqayıt şəhərində təşkil  olunacaq. Seminarın iştirakçılarına Barcamp Caspian haqqında ətraflı məlumat veriləcək. Tədbir Fevral ayının 21`də keçirilir. Başlanma vaxtı 12.00`dır.  MiniBar Sumqayıt Mütəxxəsislər Birliyinin konfrans zalında keçiriləcək. Sumqayıt tərəfdən koordinator Eyvaz Qocayev dir. MiniBarda Rəşad Əliyev çıxış edəcək.

Artıq Barcamp Caspiana doğru işlər görülməyə başlayır... Əvvəla Barcamp Caspian üçün nəzərdə tutulmuş sayt, logo və tədbirin keçirilmə yeri vaxtı müəyyənləşibdi. Sayt http://www.barcampcaspian.org/`dur. Qeydiyyatdan keçərək iştirakı təsdiqləyə bilərsiniz. Tədbir Qafqaz Universitetində, 2009-cu il Mart ayının 27-29  tarixlərində keçiriləcək. Barcamp`ın fəal üzvləri arasındakı ilk yığıncaq isə 15 ferval (2009)`da baş tutacaq. Həmin yığıncaq sonrada yeni xəbərlər olsa yenidən blogda paylaşacam. Bazar günki tədbirlə bağlı isə əlavə olaraq buradan oxuya bilərsiniz.