Bir müddət olarki Xazar.com`da yeniləşdirilmə işləri gedirdi. Nəhayət işin böyük hissəsi başa çatdı. Göz önünə çıxarılası nəsə var. Bundan sonrada təkmilləşdirmə işləri davam edəcək. Amma hələki neçə vaxtdır istifadəsi dayanan xəbərlər bölməsi (Xazar.info) açıldı. İndi Xəbərlər bölməsində əsasən günün əsas xəbər başlıqları, press-relizlər yer alacaq. Yəni xəbərlər bölməsi heç də Lent.az ya apa.az`a rəqib olmaq üçün deyil. Əsasən informasiya yaymaq səlahiyyətini saxlamaq üçündür. Daimi yenilənən və çox operativ xəbər yaymaq üçün Media İzləmə Mərkəzi ( news.xazar.com) adlı bölmə əlavə olundu. Burada əsas aparıcı online internet xəbər saytlarındakı xəbər başlıqları toplanılır. Məqsəd bütün xəbərləri eyni platformada toplamaqdır. Bu bölmə üçün gələcəkdə edilməsi nəzərdə tutulan xüsusi planlar varki tərkibi daha da genişləndirilsin. Hələki ancaq RSS xidməti olan online xəbər saytlarının xəbər başlıqları burada toplanır.
Bunlardan başqa Xazar`da giriş səhifəsinə əl gəzdirildi. Sayta hava proqnozu bölməsi əlavə edildi. Hava haqqında məlumatlar isə gün ərzində bir neçə dəfə yenilənərək Azərbaycanın bir neçə regionundakı (30`dan artıq) hava haqqında olan məlumatları verir. Azərbaycanda rəsmi olaraq Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosu tərəfindən internetdə hava haqqında məlumatlar yerləşdirilmədiyindən, hava proqnozlarını beynəlxalq Customweather datalarından istifadə edərək yayımlanır.
Bundan başqa Xazar.Name internet jurnalında artıq 2 ay əvvəldən yeniləşdirmə işləri aparılmışdı, yeni idman bölməsi əlavə olundu. Hansıki burada günün əsas idman xəbərlərilə tanış olmaqdan əlavə aparıcı futbol liqalarından canlı hesablarla və turnir cədvəlləri ilə tanış olmaq imkanı var. Əıavə olaraq Mobil telefonlar üçün contentlər əlavə olunmuşdur.
Yeniliklər yenə də davam edəcək...

Ölkənin və hətta demək olarki Qafqazın ən reytinqli saytı fəaliyyətini dayandırıbdı. Dünən günortadan səs - sədası yayılmışdı xəbərin. Məndə o dəqiqə fikrimi yazmadımki bir gözləyim görüm bu nə məsələdir. Bəzi KİV`lərdə belə xəbər yayıldıki bəs saytın domainini əllərindən alıblar, çünki whois etikdə sayt haqqında məlumatlar görsənmirdi. Bəzi KİV`lərdə deyildiki day.az rəhbərliyi başısoyuqluq edib bəs domainin vaxtı bitdiyi halda onun haqqını ödəməyiblər. Hətta iş o yerə çatdıki dövlət məmurlarıda bu haqda açıqlama verdiki bəs saytın bağlanmasında dövlət təzyiqi olmayıbdı. Bu kimi teryaların artma səbəbi isə day.az rəhbərliyinin heç bir açıqlama verməməsi olmuşdu. Bir müddət sayta heç daxil olmaq mümkün olmurdu, axşam 17.00 radələrində artıq sayta daxil olmaq mümkün idi. Saytda isə yalnızca yazılmışdıki "Proyekt öz fəaliyyətini dayandırıb". Bundan sonrada KİV`lərdə bu haqda bir xeyli məlumat dərc olundur. Sonra saytın təsisçilərindən olan Anar Məmmədxanlı açıqlama verdiki bəs texniki səbəblərə görədir 1 həftə sonra yenidən bərpa olunacaq fəaliyyət. Çox keçmədiki day.az`ın girişindəki yazı dəyişdi və yazıldıki 25 fevralda yenidən fəaliyyətə başlayaca. Texniki problemlərə görə fəaliyyəti dayanıbdı. Bəs görən elə əsl səbəb budur? Bu texniki problem hansıdır. Onu deyə bilərəmki saytın serveri işlək vəziyyətdədir. Day.az`a məxsus Boss.az domaininə rahat daxil olmaq mümkündür. Digər tərəfdən day.az`da elə texniki yöndən çox mürəkkəb bir sayt deyilki deyək nəsə problem yaranıbdı. Bundan sonrada başqa ssenarilər yaranmağa başlayır. Bu day.az`ın növbəti PR kompaniyası ola bilər. Bununla özlərinə diqqət çəkmək istəyirlər. Buna da kifayət qədər nail oldular. Artıq internetdə hər kəs day.az`dan danışır. Üstəlik day.az`ın uzun müddətdir gerçəkləşdirməyə çalışdığı Azərbaycan dilində xəbər saytı proyektidə var idi. Uzun müddətdir həmin saytın adını eşidib üzünü görmürdük. Bəlkə də bu elə məhz həmin saytın təqdimat mərasimi idi. Çünki day.az rəhbərliyi açıqlamasında qeyd etdiki ola bilsin Azərbaycan dilində də xəbər versinlər. Həm bu saytı bağıamaq onlara imkan verərki reklam qiymətlərinidə qaytarsınlar. Saytı bağlayıb bütün müştərilərdən üzr istəyib pullarını qaytararlar, fəaliyyətə başlayandan sonra yenidən qiyməti qaldırıb reklamları qəbul etməyə başlayacaqlar. Səbəbdə açıqdıki xeyli texniki xərcimiz çıxdı, bundan başqa ictimaiyyətin diqqətinidə xeyli çəkdik və qiymətimiz qalxdı..... Bunun kimi bir çox fərziyyələr irəli sürmək olar. Əsas 25 fevralı gözləmək lazımdır. Görək nə kimi dəyişikliklər olacaq. Bəlkədə gözümüzü mazol edən day.az`ın klassik dizaynını da dəyişdilər...

Barcamp Caspian 2009`a hazırlıq işləri davam edir. Artıq bu məqsədlə maarifləndirici MiniBarlar təşkil olunmağa başlayır. İlk MiniBar Sumqayıt şəhərində təşkil  olunacaq. Seminarın iştirakçılarına Barcamp Caspian haqqında ətraflı məlumat veriləcək. Tədbir Fevral ayının 21`də keçirilir. Başlanma vaxtı 12.00`dır.  MiniBar Sumqayıt Mütəxxəsislər Birliyinin konfrans zalında keçiriləcək. Sumqayıt tərəfdən koordinator Eyvaz Qocayev dir. MiniBarda Rəşad Əliyev çıxış edəcək.

Artıq Barcamp Caspiana doğru işlər görülməyə başlayır... Əvvəla Barcamp Caspian üçün nəzərdə tutulmuş sayt, logo və tədbirin keçirilmə yeri vaxtı müəyyənləşibdi. Sayt http://www.barcampcaspian.org/`dur. Qeydiyyatdan keçərək iştirakı təsdiqləyə bilərsiniz. Tədbir Qafqaz Universitetində, 2009-cu il Mart ayının 27-29  tarixlərində keçiriləcək. Barcamp`ın fəal üzvləri arasındakı ilk yığıncaq isə 15 ferval (2009)`da baş tutacaq. Həmin yığıncaq sonrada yeni xəbərlər olsa yenidən blogda paylaşacam. Bazar günki tədbirlə bağlı isə əlavə olaraq buradan oxuya bilərsiniz.

Barcamp`ın rəsmi saytından bildiriş:

Artıq Beynəlxalq səviyyədə keçiriləcək BarCamp Caspian-a hazırlıq gedir.

Tez bir zamanda BarCamp Caspian-ın saytını işlək vəziyyətə salmaq, reklam və s. hazırlıq işləri üçün Könüllülər tələb olunur.

Könüllülərdə aşağıdakı qabiliyyətlərdən heç olmasa biri olmalıdır.

01) Tərcümçəi (İngilis-Rus, Rus-İngilis, Azərbaycan-İngilis, Azərbaycan-Rus)

02) Web Dizayner - Logo, və s saytın dizaynı üçün

03) Super Dizayner - Broşur və s dizaynları etmək üçün

04) Fotoqraf - Şəkilləri çəkib sayta və stendə (Seminar vaxtı) qoymaq üçün

05) Blogger - Maraqlı məlumatlar yazmaq üçün saytda (Seminar vaxtı gündə ən azı 1 dənə, indi isə həftəde 1 Blog post, məlumat çox olacaq  

06) Proqramist - Elə belə  

07) Məzmun Meneceri - Saytdakı məzmunlara baxmağa

08) Usibility tester - Saytın Usibility-sini (Rahat istifadəsini) test etmək üçün

Bunlar olmasa yadından çıxartma könüllülərə həmişə ehtiyac var, ürək dirək verə bilərsən bizə:)

Nəhayət ki çoxdan gözlədiyimiz gerçəkləşdi və ADSL qiymətləri ucuzlaşdı. Düzdü rəsmi göstəricilərə görə 2.5 dəfə ucuzlaşıbdı. Ancaq mən Bakinternet`in qiymətlərinə istinadən deyə bilərəmki bu 2.5 dəfə deyil. Təqribi 45% (50%) qiymətlər aşağı enibdir. Əvvəl Bakinternetin saytında ADSL   modem  qoşulmaqla genişzolaqlı internet xidmətinin limitsiz  tarif paketində 256/256 k bit/s 70 (80) manata idi. İndi isə bu 39 manata olubdur. Əvvəl 39 manata 128/128 kbit/s sürətdə paketdən istifadə mümkün idi. Bəlkədə çoxları gözləyirdiki bu tarif planı 2 dəfə ucuşlanda ayda 20 manat olar. Ancaq Bakinternet artıq həmin tarif paketini siyahıdan xaric edibdi. Yəni yenədə ən ucuz ADSL çəkdirmək istəyən aylıq 39 manat ödəməli olacaq. Sadəcə əvvəlkindən daha sürətli paketdən istifadə edəcək. Amma əlbəttə biz buna da şükür edirik. İndiyənə kimi bu da yox idi. Ümid edirik ki, daha da ucuzlaşacaq.
Buda yeni qiymətlər...

Bu günlərdə Mak Jurnalında bir yazı oxudum. Avis tibbi market deyilən bir firmanın reklam kompaniyası imiş. Sadəcə maraqlı gələn tərəfi reklam kompaniyası üçün xüsusi domain tərtib edilməsi oldu. Bu xarici təcrübədə tez-tez rastlaşılan bir haldır. Ancaq mən Azərbaycanda ilk dəfə idi rastlaşıram. Deyəsən elə birinci dəfədir. Saytın adı kompaniyaya müvafiq olaraq www.saglamliqxosbextlikdir.com `dur. Burada reklam aksiyasl barədə ətraflı öyrənmək olar. Bilmirəm bu gördüyüm ilk, sonuncu olacaq ya yox. Təbii ki, bu tip reklam aksiyalarından daha çox görməyi ümid edirəm...