Dünyanın super gücü ABŞ`ın yeni prezidenti Barack Obama and içərək yeni vəzifəsinə başladı. Yox bu dəfə siyasətdən yazmayacam. Obama`nın texnalogiya ilə əlaqəsindən yazacağam. Ümumiyyətlə bilirik ki, ABŞ və bu kimi yüksək inkişaf etmiş ölkələrdə seçkilərdə namizədləri xüsusi böyük şirkətlər dəstəkləyir, onların təbliğat təşviqat kompaniyaları ilə məşğul olurlar. Bu namizədləri isə bir böyük şirkətin deyil, müəyyən sektorlar dəstəkləyir. Hətta, bu xalq arasında, ara danışıqda onları "filan mafiya" dəstəkləyirdə deyirlər. Mən ağlım kəsəndən ABŞ prezidentləri olaraq Bill Clinton, George-W-Bush və bir də sonuncu Barack Obama`nı görmüşəm. Birinciyə deyirdilərki arxasında "Şou-biznes mafiyası" durur ( hətta özü də saksafon ifa edirdi), ikinciyə "Silah( neft) mafiyası" və nəhayət Obama`ya deyirlərki arxasında "Texnalogiya mafiyası" durur. Hərəsinin isə dövründə təmsil etdiyi sektor öz tərəqqisini yaşadı. Deyəsən indi dünyada növbə texnalogiyanın daha sürətlə tərəqqisi dövrü olacaq. B. Obama seçki kompaniyası zamanıda texnalogiyadan müntəzəm istifadə etmişdi. Onun çıxışlarını mütamadi olaraq YouTube`dan izləmək olardı, etdiyi hər fəaliyyəti Twitter`dən xəbər edilirdi. Nəhayət yeni prezident öz vəzifəsinə də Web 2.0 bir başlanğınc etdi.
Amerikanın  44-cü ilk Afro-Amerikan prezidentinin andiçmə mərasimi internet üzərindən CNN.com`la birgə Joost, Hulu, Ustream.tv və Current.tv`nin açdıqları kanallardan izləndi. Current.tv, Twitter ilə ortaq bir iş görərək and mərasimini "Tweetler" ilə birgə təqdim etdi. Bu sayədə tamaşaçılar canlı verilişi izlərkən Twitterdəki şərhlərdən uzaq qalmamış olacaqlar.  Ayrıca Ustream.tv da mərasimi canlı verilişlə iPhone`larından izləmək istəyənlər üçün bir tətbiq yayımladı.

Seçki dövründə istifadə etməyə başladığı Web 2.0 vasitələri və yeni texnologiyalar ilə, böyük media quruluşları arasında önə çıxan CNN, and mərasimi üçün yenə maraqlı iki tətbiqi həyata keçirdi. Bunlardan ilki Facebook ilə reallaşdırdıqları ortaq iş. Bu sayədə CNN. com üzərindən yayımı izləyənlər yoldaşları ilə və digər Facebook istifadəçiləri ilə şərhlərini və düşüncələrini paylaşmaq imkanı əldə etdilər.

CNN seçki gecəsi istifadə etdiyi hologram texnologiyası ilə könülləri qazanmışdı. Bu səfər də Microsoft ilə ortaq olaraq yenə maraqlı bir texnologiyanı həyata keçirdilər. Microsoftun təmin etdiyi Silverlight əsaslı Photosynth texnologiyası sayəsində, izləyənlərin and mərasimi əsnasında çəkib CNNə göndərəcəkləri fotoşəkillər birləşdirilərək 3D panoramik vizuallara çevrilir. Photosynth, eyni sahənin dəyişik bucaqlardan və məsafələrindən çəkilən fotoşəkilləri bir-birlərinə bağlayaraq, fotoşəkli çəkilən sahənin 3D modelləşdirməsini yarada bilən bir texnologiyadır. Photosynth texnologiyası istifadə edilərək birləşdiriləcək olan fotolar sayəsində Obamanın danışma anı üç ölçülü olaraq CNN.comda yayımlandı.

Görək bundan sonra deyildiyi kimi texnalogiya sahəsində yüksək tərəqqi olacaq ya yox... Ən azından hər kəs kimi ümid eləmək yaxşıdır...

Bu gün mailimi yoxlayanda İKT İnfirmasiya Mərkəzi tərəfindən həmişəki kimi press - reliz maili gördüm. Deyilirdiki guya ilin ən yaxşı saytları seçilibdir:


Ancaq seçim nə vaxt olub, bu barədə əvvəldən mətbuatda niyə xəbər çıxmayıb bunu məndə bilmirəm. Elə buna görə də çox qeyri - ciddi hesab edirəm bu seçimləri. Saytlardan elə ikisi natamam saytlar olubdu 2008`də. Üstəlik Azərbaycan internetinin mükafatçısı da qeyri Azərbaycan dilində olmasıda elə bir qədər düzgün deyil. Seçim zamanı olan kriteryalar nədir soruşsanız, özlərinin dediyinə görə




Nəsə bu mənə 2008`in ən yaxşı saytlarından daha çox, ən varlı saytları təsirini bağışayır. Aralarından mən Navigatoru fərqləndirərdim. Oda ki, natamam saytdır. Yəni bu informasiyanı yaymağın səbəbi məhz yuxarıdakı saytların adını meidiada hallandırmaq və onlara diqqəti artırmaqdır. Yoxsa elə bir mənası olan seçim hesab etmirəm. Saytlar gah Azərbaycanca deyil, gah da natamam idilər. Bir tək  http://mektebli.president.az saytı həm Azərbaycancadır həm də tam fəaliyyət göstərir. Odaki subdomaindir. President.az domaini 2008`dən çox-çox əvvəl fəaliyyətdədir. Yumroo`ya deyilən "milli axtarış sistemi! ifadəsi də elə həqiqətən dırnaqarası deyilməli söz olduğu halda bu seçimə daxil edilibdisə....

Uzun zamandır blog yazmamağıma baxmayaraq oxuduğum bu məlumat məni blog yazmağa həvəsləndirdi. Sən demə dünyanın ən yaxşı işi də bizim sevimli kompüterlərlə bağlıdır. Daha dəqiq desək blog yazmaqdır. Təsəvvür edin ki, sizə iş təklif edirlər ki, 2 həftədə bir blog yazısı yazmalısınız. İşin müddəti isə 6 ay çəkəcək. Üstəlik maaşda az məbləğ deyil: 150 min dollar. Ancaq hər işin tələbləri olduğu kimi bu işin də tələb etdiyi bəzi keyfiyyətlər var. Birincisi siz gərək İngilis dilində biləsiniz ikincisi isə gərək üzməyi bacarasınız..

Cənnətə işçi axtarılır...
Söhbəti uzatmadan əsas məsələyə keçirəm. Bu işi bu qədər qeyri-adi və dünyanın ən yaxşı işi edən nədir?
Cənnət bir adada yaşayıb iki həftədə bir blog yazacaq işçi axtarılır. "Dünyanın ən yaxşı işi" olaraq təyin olunan işə müraciət etmək üçün sizdən tələb olunansa ingilis dilini bilmək və üzməyi bacarmaqdır. İşə başlama tarixi isə 1 İyul 2009-dur.
Təsəvvür edin iş saatlarınızı özünüzün təyin edə biləcəyiniz iş müqabilində altı ay üçün ödənəcək ödəniş isə 150 min dollardır. İşçinin məsuliyyətlərinə gəldikdə isə, həmin adam 6 ay boyunca yaşamalı olduğu adanın zibilini yığmalı, yarpaqları təmizləməli və hovuzu təmiz saxlamalıdır. Bundan başqa işə götürüləcək işçi adanın ətrafındakı 600-ə qədər mərcan adasının həm su üstü həm də sualtındakı gizli yerlərini kəşf edib, tapdıqlarını fotoşəkil və video çəkilişləri ilə iki həftədə bir internetdə yerləşdirməlidir.
İş elanını verən Tourism Queensland tərəfindən "Dünyanın ən yaxşı işi" deyə təyin olunan işə götürülən adam eyni zamanda kirayə haqqı vermədən 80 m yüksəkliyindəki bir yamaca tikilmiş və sentyabr aylarında donqar balinaların köç etdikləri mavi okeana baxan 5 milyon dollarlıq bir villada qalacaq. Həmin xoşbəxt işçi iki ədəd qonaq otağı və möhtəşəm mənzərəli hovuzu da olan villada istər dənizin o biri sahilindən gələn yaxınlarını istərsə də adanın marina barında kokteyl içərkən tanış olduğu turist qonaqlarını yola verə biləcək.
Namizədlər 22 Fevrala qədər www.islandreefjob.com internet saytına bu işin niyə məhz ona verilməli olduğunu izah etdikləri 60 saniyəlik bir video ilə müraciət edə biləcəklər.
"Ada baxıcısı" Hamilton Adasında yaşayacaq. İşə götürüləcək işçinin üzmə bilməsi və 1 İyuldan etibarən də Avstraliyanın tropik Whitsundays bölgəsində olan Hamilton Adasında yaşamağı qəbul etməsi lazımdı.

Bu gün Xəbərnamə`yə göz gəzdirəndə keçid saytları arasında Qaralama deyə bir sayt gördüm. Diqqətimi çəkdi və daxil olub saytda bir az gəzişdim. Zaman keçirməyə dəyəcək saytlardandı. Wordpress üzərində qurulmuş bu saytda Azərbaycan dilində müxtəlif yazılar və xarici məqalələrin tərcümələrini tapmaq mümkündür. Maraqlı informasiyalar əldə etmək mümkündür. Elə ilk xoşa gələn tərəfi orasıdırki mənasız "proqram yüklə" və ya "mahnı endir" kimi yazılarla qarşılaşmırsan. Sadəcə müəllif yazıları və maraqlı tərcümələr var. Baş çəkmək məsləhətdir.
Saytın özündən sayt barədə sitat:

Asusun Eee ardıcıllığından yeni bir "hamısı bir yerdə" kompüter modeli, klaviaturanın içinə sığdırıldı.

CES 2009dan əl altından sızdırılan bəzi fotoqraflar, Asus Eee ardıcıllığına uzun bir zamandır edilən ən həyəcan verici əlavəni xəbər verir.

"Eee Keyboard" adını daşıyan cihazın bu adına aldanmamaq gərək. Çünki Asus, xeyli çalışaraq normal bir klaviaturadan çox da qalın olmayan sahəyə tam bir kompüter sığdırdığı iddiasında.

Təchizat xüsusiyyətləri, bazara çıxıb çıxmayacağı, qiyməti və s. hələlik bir müəmma, ancaq kabelsiz HDMI əlaqəsi olduğu bilinir.

Üzərindəki mini touch screen ekran da nəzərə alınsa, evlərdəki nəhəng televiziyaları monitora çevirərək çox az yer örtən media mərkəzləri meydana gətirmək üçün bir başlanğıc olaraq görünür.

Ilk10`nun rəsmi blogundan sitat:


İlk olaraq deyimki fikir yaman xoşdur. Ilk10`dan yazını oxuyanda da maraqlı gəldi. Ancaq beta versiyasında sınaq eliyəndə gözlədiyim effekti görmədim. Çünki axtarılan sözü əsasən ilk10da qeydiyyatdan keçmiş saytların açıqlamasında axtarırdı. bir tək metbuat.info və news.bakililar.az`dan nəticə tapa bildim. Tam deyildiyi kimi bütün saytların tərkibində axtarış olsa pis olmazdı. Ancaq Google custom search ilə bunu mükəmməl etmək mümkündür ya yox bunu dəqiq bilmirəm...

Bir müddət əvvəl Azərbaycanlıların ən çox istifadə etdiy sosial platforma olan Odnoklassniki pullu olmuşdur. İndi isə növbəti çox istifadə olunan portalın pullu olmaq ehtimalı var. Son vaxtlarda internet aləmini bu sual düşündürür. Facebook pullumu olur?
Maliyyə böhran yaşayan firma bu açığını ödənişli istifadəçi hesablarıyla bağlamaq istəyir.
İctimai network platforması yaxında ən böyük probleminiz halına gələ bilər. Lazımlı infrastrukturun meydana gətirdiyi xərclər getdikcə artmaqdaykən gəlirlər sabit qalır.

İsveçrə xəbər portalı 20Minutenin sektorla əlaqədar fərqli bloglardan əldə etdiyi məlumata görə Facebook, sahib olduğu şəbəkə üzərindən necə əlavə qazanc əldə edə biləcəyini planlayır.

Bu planlar arasında isə ümumiyyətlə istifadəçiyə iki fərqli hesab təqdim etmə variantı meydana çıxır: Məhdud daxilolmaya sahib ödənişsiz bir hesab və bütün Facebooka daxilolmanı təmin edən ödənişli (Premium) bir hesab. İstifadəçi məlumatlarının üçüncü kəslərə satılması da müzakirə edilən mövzular arasındadır.

Analitiklərə görə Facebookun hissə satışıyla əldə etdiyi 500 milyon dollarlıq sərmayənin böyük bir qisimi xərclənmiş vəziyyətdə. Əgər böyümə nisbətləri dayansa nağd pul anbarları 2009dakı bazar durğunluğunda tamamilə əriyə bilər.

Facebook 140 milyondan çox aktiv istifadəçisi ilə internetdəki ən sürətli böyüyən ictimai network şəbəkəsidir. Ortalama bir istifadəçinin 100 yoldaşı var, gündə təxminən 30 milyon şəkil göndərilir. Dünya səviyyəsində hər gün 200.000in üzərində yeni istifadəçi portala üzv olur.