Bu gün bu sistem haqqında eşitdim. Heç kimə sirr deyilki google eyni zamanda hackerlərədə çox kömək edir. Burada axtararaq bir xeyli təhlükəsizlik açıqlarını tapırlar saytların. İndi isə Cult of the Dead Cow (CDC) adlı bir qrup hacker, internet üzərindən bu açıqları tapmaq üçün bir yazılım gerçəkləşdirdiklərini xəbər verirlər. Qrupa görə, goolag scanner adındakı bu proqram ilə təməl proqramçılıq bilgisi olan hər bir kəs bir saytın təhlükəsizlik açığı olduğunu bilər. CDC sayt sahiblərinə xitabən deyibki, goolag scannerdən istifadə edərək hackerlərdən əvvəl saytların açığını tapıb öz tədbirlərini alsınlar. Ətraflı məlumat almaq üçün buranı oxuyun.

Belə bir mövzuda yazmaq ehtiyacını bu yaxınlarda mənzil başına çatmaq üçün hamının “Bulvar” kimi tanıdığı dənizkənarı milli parkdan keçəndən sonra duydum. Düzü yazıb-yazmamaqda tərəddüd etsəm də dedim hərdalda artıq köhnəlmiş mövzu olsa da, belə populistik temalar reytinqi qaldırmağa kömək edir...
Yatmaq ədəbi sözünü bir qədər konkretləşdirsəm və daha aydın ifadə etməyə çalışsam, nəzərdə tutduğumun əslində yataq mədəniyyəti yəni sexual mədəniyyət olduğunu görürəm.... (yazın uzun-uzadı olduğundan davamını ətraflıda yazmalı oldum)

BBC'nin xəbərinə görə, Facebook, Böyük Britanya'da istifadəçi sayında ilk enişini yaşayıbdı. Nielsen Online'in 2006'nın iyul ayından başlayaraq tərtib etdiyi statistikalar var. Xəbərə görə bu sistemin məlumatına əsasən 2007 nin dekabr ayında bütün dünyanın xatirə dəftərinin istifadəçi sayı 8.9 milyon imiş. Ancaq bu rəqəm yanvar 2008 də 8.5 milyona düşüb. Bu isə təqribən 5 % lik düşmədir. Bundan sonrada xatirə dəftərinin nə dərəcədə qan itirəcəyi və ya yüksələcəyi bilinmir. Hər halda Britanyada bu sistemə doymuşluq ola bilər. Görən Mark bu statistikalarla tanış olandan sonra fikirləşirmi ki, gərək elə dükan pula getdiyi vaxtdaca satıb canımı qutarsam yaxşıdı...

Bir az da digər bloglarda yazılanlardan xəbər vermək istədim. Bəyəndiyim yazıları paylaşım.
Necə deyərlər əvvəla xanımlar. İnternetdə bizim xanımlarımızın blog yazmaq adətləri elədə yayğın deyil. Ancaq bəziləri mövcuddur. İqtisadçı xanımın blogundan şillə səsini əvvəla təqdim edim. Bu səs mənədə xoş gəlib düzü. Hətta Röyanın yerində olsa idi yəqinki Oradakı Bülənt Ersoy bəyə bir iki dənədə söz atardım. Bu şillənin səsini eşitdikdən sonra qayıdıb bizi yaxşıca şillələyən əsl düşmənimiz barədə oxuyaq. Hadisələrə elə-belə baxmayan, həmişə özünə məxsus tərzdə Belə baxan blogdaşımızın Qarabağa baxışına birgə baxaq. Bu barədə də onu deyimki yazıda qırmızı həriflərlə vurğuladıqlarının məndə həmçinin altından xətt çəkərdim.
İndi isə barəsində ən çox xəbər verdiyimiz texnalogiya haqqında bir yazıya sizdə baxın. Yahoo`nun gözü ilə İnternet tarxinin 101 faktı. Əgər bütün yazıları oxuyub bir qədər zehninizi dincəltmək istəsəniz isə bir az bura baxın.

Deyəsən Aznetdə yeni dəb başlayır. Növbəti sosial şəbəkə haqqında xəbər. Düzü bu dəfə ətraflıca yazmaq nəsib olmayacaq. Səbəbi isə saytın çox sadə olmasıdı. Foto albom, blog və qrup yarada biləcəyiniz bir sosial sistemidir. Servisi isə a-z.az saytına məxsus emi.az şəbəkəsi verir. Sistem bir qədər sadəliyi ilə seçilir. Axtarış sistemi də həmçinin sadədir. Ətraflı axtarışı olmadığından parametrlərə görə axtarış etmək olmur. Ən böyük irad isə əlbəttə Azərbaycanın sosial şəbəkəsi devizi altında fəaliyyətə başlayan saytın rus dilində fəaliyyət göstərməsidir. Belə olan halda, mən rus dilində sosial şəbəkədə qeydiyyat olmaq istəsəm daha geniş Azərbaycanlı auditoriyasına malik my.mail.ru saytını seçərdim. Emi.az`a qayıtsaq isə son olaraq deyə bilərəmki, sayt paylaşım saytı olaraq deyil, ünsiyyət saytı olaraq nəzərdə tutulub. Hər halda uğurlar.

Qulaq gündə bir şey eşitməsə kar olar deyiblər. Bu dəfə isə xəbər dünyaya .com domain sonluğunu satan ICANN`dan olacaq. Deyilənə görə şirkət bundan sonra yeni domain adları təklif edəcək. Yaxın zamanlarda ".pdf" və ya ".mp3" kimi domain adlarını internet aləmində görmək mümkün olacaq. Bunun yanında artıq nömrəli domainlərdə görə biləcəyik. Məsələn: www.oxatan.123. Subyektiv olaraq isə demək yerinə düşərki bunların heç biri .com domainin yerini verməz. İnternet deyəndə ağıla gələn ilk domaindir .com. Bir haldakı browserdə domainin sonluğunu yazmadanda daxil olmaq mümkündür demək bu ən yaxşıdır. Məsələn adress bar da sadəcə oxatan yazıb CTRL+ ENTER düyməsini sıxanda birbaşa http://www.oxatan.com/ a daxil olur. Yəni hər nə qədər yeni domainlər təklif olunsada sadəcə rəngarənglik üçündür...

Mobil telefonlarda müxtəlif oyunların mövcudluğu ilə indi heç kimi təəccübləndirmək olmaz. Amma Yaponiyanın FİT şirkətinin yaratdığı "Ippon Zuri" oyunu kimi istəsən gülümsəməyə məcbur edir. Mobil telefonunda virtual balıqçılıqla məşğul olan şəxs oyun bitdikdən sonra heç də virtual olmayan balıqlara sahib çıxır. Bəli. "NTT DoCoMo" mobil operatoru Fukuoka prefekturasında yaşayan abonentlərinə belə bir xidmət təklfi edir. Telefonuna bu oyunu yükləyən yaponiyalı virtual dənizə virtual qarmaq ataraq bəxtini sınamağa başlayır. Amma artıq qeyd edildiyi kimi, uğur qazananları əsl balıqlar gözləyir. İştirakçıya çevrilmək üçün oyunun internet saytında qeydiyyatdan keçmək lazımdır. 3 seansda bəxtini sınamaq istəyənlər 9,3 dollar ödəməlidirlər.

Əvvəlki yazılarımızda qeyd etdiyimiz kimi, Aznetdə olan yeniliklər haqqında bacardıqca məlumat verəcəkdik. Yenilik deyəndə sözün həqiqi mənasında yenilik, xəbər deməyə dəyər məlumatlar haqqında. Bu dəfədə belə xəbərlərdən biri. Türklər demiş saytların " görücü"yə çıxmaq yerləri statistika sistemləridir. Bu dəfədə buraya nəzər yetirəndə həmişəki kimi yeni saytlar gördüm, bir baxım dedim. Təəccüblü olsada bu heçdə DLE üzərində qurulmuş "əyləncə portalı" deyildi, heç burada reklam yerləri də düzəltməmişdilər. Nəhayət Azərbaycanda ilk sosial şəbəkə ( community) saytı yaranıbmış. Görmək üçün ətraflı oxuyun...

Nokia və google böyük iş birliyinə artıq hazırdılar. Proyektə görə google axtarış motoru ilə nokia search engine sistemi təkmilləşdiriləcək.İlk olaraq Nokia N96, Nokia N78, Nokia 6210 Navigator və Nokia 6220 classic modelləri ilə başlayacaq əməliyyat zamanla digər cihazlarla da genişləyəcək.
Bu sistemin tətbiqi kompyuterdə aparılan mükəmməl axtarışın mobil telefonlara tədbiq edilməsi, bu sayədə isə həm nokinanın müştərilərinə mükəmməl xidməti, eyni zamanda google`ın da axtarış bazarında öz yerini möhkəmlətməsi deməkdir. Bildiyimiz kimi bu google ilə nokianın ilk birgə işi deyil. Keçən il nokia, google məhsulu olan , online video paylaşım saytı YouTube’u tamamilə dəstəkləyən ilk mobil cihazıda hazırlamışdı.

Hə bu ata-at zəmanədə deyəsən bu dəfədə şou əhli bizə atır. Daha doğrusu şou həli bizəmi atır, yoxsa fanatları bu müğənnilərəmi atır, ya da ikisi birləşib bizəmi atır naməlumdur. Bizdə qərar verdik ki bu dəfə oxumuzu yönəldək bunlara sarı. Bizdə şou əhlini öz sahəmizdə tənqid edək. Axı onlar dəblə ayaqlaşıb ( bizdə həmişə dəblə bir neçə il gec ayaqlaşma moddur axı ) fan saytları açdırıllar. Yada öz dilləri ilə desək fanatları onlar üçün sayt atır. Oyy bağışlayın sayt açır... Hə bax bu dəfə sizə bu saytlar haqqında danışacağıq. Yaxın oturun, ətraflı oxuyun...