Bu gün mətbuatdan Təhsil Nazirliyinin saytının yeniləşməyi ilə əlaqədar bir xəbər oxudum. Ilk baxışda normal görsənir. Saytın dizaynına filanda irad tutası deyiləm heç. Hətta təəccüblənmək də olarki sayta baxanda ən son xəbərlər bu günə aid düşmüşdü. Yəni saytı yeniliyirlərdə. Bu çox müsbət haldır. Ora-bura baxsamda saytı hansı studionun filan düzəltdiyini görmədim. Ola bilsin bu iş üçün kadr götürüblər fərdi şəkildə saytla məşğul olur. Ancaq heyifki primitiv təhlükəsizlik qaydalarına riayət etməyiblər. Ən çoxda ona təəccübləndimki SQL injection barədə xəbər vermək üçün əlaqə bölməsinə daxil olmağa cəhd elədimki bir yazıb xəbər edim ki düzəltsinlər. Ancaq daxil olanda elə həmin səhifədə də injection olduğunu gördüm. Bir xəbər verə bilsə idim şad olardım. Məndə bura yazdımki bəlkə oxuyuculardan kiminsə tanışı-bilişi olar Nazirlikdə, bir zəhmət xəbər etsin ( onsuzda gizli bir xəta deyil, göz qabağında olandı ).

Avropa Birliyi haqsız rəqabətdə günahlandırdığı dünyanın yazılım üzrə bir nömrə adı Microsoft`a 899 milyon avro pul cəzası verdi. Bu ikinci belə cəzadır. Bazar hakimiyyətini özü lehinə olaraq mənfi istifadə etdiyi üçün əvvəl də 778 milyon avro məbləğində cəzalandırılmışdı. Son qərarla birgə isə cəmi rəqəm 1,68 milyar avro oldu. AB`də rəqabət üzrə işlərə baxan Neelie`nin dediyinə görə qurumun 50 illik tarixi boyu Microsoftun eyni cəzanı iki dəfə alan ilk şirkət olduğunu bildirdrərək " Ümidvaramki Microsoft bu günkü cəza ilə birgə qanunlara tabe olmamaqdan əl çəkər" dedi.
Microsoft isə öz növbəsinə etdiyi açıqlamada verilən cəza səbəbini ətraflı araşdıracaqlarını bildirdi. Şirkətin dediyinə görə bu dəfəki qərar ötən illərin sonradan həll olmuş məsələlərinə görə verilmiş cəzadır və bunu sübuta çalışacaqlar.

2006 'da açılan, istifadəçilərinə DivX formatında video yükləmə imkanı verən, videoların baxılıb paylaşıla bildiyi və artan ADSL sürətilə belə getsə Youtube'nin taxtına oturmağa namizəd olan stage6.com 28 Fevral tarixi etibarı ilə bağlanır. Stage6`nın bu qərarından sonra bir çox saytın problemlərlə üzləşəcəyi güman edilir. Çünki saytlar stage6 üzərindən bir sıra videoları yayımlayırdılar. Bağlanma səbəbi ilə əlaqədar isə dəqiq məlumat əldə edə bilmədim. Saytda yazılanlara görə maddi problemlərlə əlaqədardır.Bəlkə saytı almaq qərarına gələn hansısa iri şirkət peydə olandan sonra fəaliyyətini davam etdirər. Bu isə sual altındadır. ( mən elə bilərdimki maddi problem ancaq bizim ölkəmizdə olur )

Fox Interactive Media və Google arasında avqust 2006’da 3 illik müddətə reklam müqaviləsi bağlanmışdı. Müqaviləyə görə Fox Interactive Mediaya aid saytlarda (MySpace daxil) Google reklamlarından istifadə edilməli, və Myspace’de Google axtarış sistemindən istifadə olunmalı idi. Minimum 900 milyon dollarlıq dəyəri olan bu müqaviləni ləğv etmək üçün Fox araşdırmalara başlayıbdı. Analitiklərin fikrinə görə buna səbəb daha yaxşı şərtlərə malik reklam təklifi aldıqlarıdır. Bu təklifi isə Microsoft’un etdiyi deyilir.
Bildiyimiz kimi Microsoft Facebook reklam haqqlarına da sahibdi. Bu yeni müqavilə ilə də sosial platformadalı iki lider adlada işləyəcək. Bununla da həm internet reklam sənayesində google`a bir az daha çatacaq, həmdə rəqibinin ən yaxşı müştərilərindən birini özünə tərəf çəkdiyi üçün prestij qazanacaq.

Azərbaycan interneti ilə bağlı bundan əvvəl əksərən tənqidi yazılar yazmışdıq. Azərbaycanda yeni fəaliyyətə başlayan, xəbər dəyəri olan bir-iki saytdan başqa digərləri gördüyümüz kobud qüsurların tənqidi olmuşdu. Bəs heçmi bizim internet məkanında tərifə layiq sayt yoxdur ? Əlbəttə hər bir istifadəçinin fərdi sevimli saytı var. Qərar aldımki bu dəfə öz gözümlə Aznetdəki belə saytları sadalayım. Bu yazını yazmağıma əsas səbəblər - biri Blogran`da ( Bunu deməməkdən özümü saxlaya bilmirəm. Fikrimcə blogran adı çox gözəl kreativ addır. Məncə bu ad blogger, blogspot, blogcu kimi blog servisi verən bir saytda istifadə olunsa orjinal bir ad olardı. )  oxuduğum bu yazı, və Gurbanovun blogundakı Aznetdə olan bloglara baxışı oldu. Madam o, oxunası blogları yazdı məndə fikirləşdimki Aznetdə nəyimiz var ondan yazım. Ətraflı oxuyaraq yazı ilə tanış ola bilərsiniz.

Türkiyə və Tayland'dan sonra indi de Pakistan youtube' a daxil olmanı əngəllədi. Girişin qadağan edilməsinə səbəb olaraq isə saytda İslam əleyhinə contentlərin olması göstərilir. Pakistan tərəfindən bu barədə rəsmi açıqlamada edilib. Açıqlamaya görə danimarkalıların istehsalı olan Hz. Məhəmməd (S.A.V) haqqında təhqiramiz xarakterdə çəkilmiş cizgi filmlərin bu saytda olması qadağaya əsas səbəb göstərilir. Bu haqda əlavə olaraq buradan oxuya bilərsiniz.

 Artıq Oxatan Aznetdən xəbər verməyi bir növ öz öhdəsinə götürüb. Bu dəfəki danışacağımız sayt bir qədər köhnədir. Amma Oxatanın yaşının az olduğunu nəzərə alsaq zənnimcə bu günahdan keçmək olar. Sayt Azart.az -dır. Saytın tematikası və konsepsiya dizayn üzərinə qurulub. Amma buradakılar "template"ləri "edit"ləyərək, altındakı copyright`ı dəyişib nikini yazanlar deyil. Burada bu işlə professional olaraq məşğul olanlar toplanıblar. Düzü mənim özüm də bu saytı çox yeni tanıdım. Ona görə ətraflı gəzinə bilmədim. Zənnimcə sayt 09.03.2007 tarixindən fəaliyyət göstərir. Sayt forumdan ibarətdir və əsasən dizaynerlər öz fikirlərini, işlərini bölüşürlər. Həmişəki kimi bu saytda da bəyənmədiyim birşey var, oda logotipin azərbaycanca saytın isə rus dilində olmasıdır.
 Saytın təşkilatçıları martın 14-nə(2008) bir yığıncaq da təşkil etmək niyyətindədirlər. Deyilənə görə gecəyə bu sahəylə həqiqətən maraqlananlar gəlsə daha yaxşı olar. Hərhalda işə yanaşmada professionallıq yaxşı keyfiyyətdir.

Bu gün bu sistem haqqında eşitdim. Heç kimə sirr deyilki google eyni zamanda hackerlərədə çox kömək edir. Burada axtararaq bir xeyli təhlükəsizlik açıqlarını tapırlar saytların. İndi isə Cult of the Dead Cow (CDC) adlı bir qrup hacker, internet üzərindən bu açıqları tapmaq üçün bir yazılım gerçəkləşdirdiklərini xəbər verirlər. Qrupa görə, goolag scanner adındakı bu proqram ilə təməl proqramçılıq bilgisi olan hər bir kəs bir saytın təhlükəsizlik açığı olduğunu bilər. CDC sayt sahiblərinə xitabən deyibki, goolag scannerdən istifadə edərək hackerlərdən əvvəl saytların açığını tapıb öz tədbirlərini alsınlar. Ətraflı məlumat almaq üçün buranı oxuyun.

BBC'nin xəbərinə görə, Facebook, Böyük Britanya'da istifadəçi sayında ilk enişini yaşayıbdı. Nielsen Online'in 2006'nın iyul ayından başlayaraq tərtib etdiyi statistikalar var. Xəbərə görə bu sistemin məlumatına əsasən 2007 nin dekabr ayında bütün dünyanın xatirə dəftərinin istifadəçi sayı 8.9 milyon imiş. Ancaq bu rəqəm yanvar 2008 də 8.5 milyona düşüb. Bu isə təqribən 5 % lik düşmədir. Bundan sonrada xatirə dəftərinin nə dərəcədə qan itirəcəyi və ya yüksələcəyi bilinmir. Hər halda Britanyada bu sistemə doymuşluq ola bilər. Görən Mark bu statistikalarla tanış olandan sonra fikirləşirmi ki, gərək elə dükan pula getdiyi vaxtdaca satıb canımı qutarsam yaxşıdı...

Deyəsən Aznetdə yeni dəb başlayır. Növbəti sosial şəbəkə haqqında xəbər. Düzü bu dəfə ətraflıca yazmaq nəsib olmayacaq. Səbəbi isə saytın çox sadə olmasıdı. Foto albom, blog və qrup yarada biləcəyiniz bir sosial sistemidir. Servisi isə a-z.az saytına məxsus emi.az şəbəkəsi verir. Sistem bir qədər sadəliyi ilə seçilir. Axtarış sistemi də həmçinin sadədir. Ətraflı axtarışı olmadığından parametrlərə görə axtarış etmək olmur. Ən böyük irad isə əlbəttə Azərbaycanın sosial şəbəkəsi devizi altında fəaliyyətə başlayan saytın rus dilində fəaliyyət göstərməsidir. Belə olan halda, mən rus dilində sosial şəbəkədə qeydiyyat olmaq istəsəm daha geniş Azərbaycanlı auditoriyasına malik my.mail.ru saytını seçərdim. Emi.az`a qayıtsaq isə son olaraq deyə bilərəmki, sayt paylaşım saytı olaraq deyil, ünsiyyət saytı olaraq nəzərdə tutulub. Hər halda uğurlar.