Azərbaycanın dörd şəhərində ilk fotoköşklər quraşdırılıb.
Yeni köşklərin vasitəsi ilə istənilən şəxs telefon və ya fotoaparatla çəkdiyi şəkilləri köşkdə çap edə biləcək. Bunun üçün həmin şəkli telefonun və ya fotoaparatın hər hansı simsiz modulu, disk və ya yaddaş kartı vasitəsilə fotoköşklərə köçürülməlidir. Köşkün menyusu Azərbaycan, rus və ingilis dilində olacaq. Orada hansı dili istəyirsənsə, seçəcəksən və həmin dildə də proqram açılacaq. Şəkli çıxarmaq istəyən şəxs ona istədiyi dizaynı da verə bilər. Pulu köşkə atandan sonra isə çəkil çıxacaq.

 Bu köşkdən şəklin çıxarılması 16 qəpiyə başa gəlir. Artıq köşkün biri Bakıda, biri Sumqayıtda, biri Gəncədə, biri Mingəçevirdə quraşdırılıb. Köşklərin birinin qiyməti təqribən 5 min ABŞ dollarıdır. Köşklərin kabinələri xarici ölkədə istehsal edilir, qalan hissələr isə yerli zavodda yığılır.