Artıq bir dəfə bu barədə Oxatan`da yazmışdım. Düzü o vaxt bu yazının belə həvəslə oxunacağını düşünməmişdim. Görəndəki marağa səbəb oldu fikirləşdim ki, bəlkə ikinci hissəni də yazsam pis olmaz ( artıq reytinq heçkimə meneə törətmir...). Keçən dəfəki kimi yenə deyirəm hansı məqamla razılaşmasanız öz münasibətinizi bildirib məni bu səhv düşüncə tərzindən yayındıra və ya əlavələr edə bilərsiniz....
• Əgər Aznetdə sayt sahibisinizsə bilməlisiniz ki, “ party”si olmayan sayta birtəhər baxırlar.
• Əgər Aznetdə sayt sahibisinizsə bilməlisiniz ki, istənilən materialı “ atmaq” mümkündür və əgər bu halın sizi qıcıqlandırmamasını istəyirsinizsə onda bu “ atıcılıqla” özünüz məşğul olun.
• Əgər Aznetdə peşəkar dizaynersinizsə möhkəm əsəbləriniz olmalıdır, çünki qarşınızdakına template və “əl işiniz” arasındakı fərqi ( keyfiyyət və qiymət ) izah etmək çox çətin olacaq.
• Əgər Aznetdə dizaynersinizsə bilməlisiniz ki, əslində yalnız template`lərlə də yola vermək olar.
• Əgər Aznetdə istifadəçisinizsə, xahiş edirəm artıq öyrənin ki, internetdə heç də bütün xidmətlər tanışlıq üçün nəzərdə tutulmayıb.
• Əgər Aznetdə intellektual istifadəçi olmaq istəyirisinizsə “gənclərin toplaşdığı məkan”, “Əsl gənclik portalı” və s. bu kimi qələmə verilən saytlardan kənar gəzin.
• Əgər Aznetdə ciddi layihə və ya sayt sahibisinizsə özünüzü hazırlamalısınız ki, “böyüklərlə” ünsiyyətdə ( burdakı böyük yalnız yaşca böyükləri yox həmdə cibcə və qarınca böyükləri nəzərdə tutur...) texnoloji bizneslə məşğul olduğunuzu deyəndə başa düşdükləri “elektron avadanlıqların satışı”, “laminasiya...” ən yaxşı halda “internet klub” olacaq.
• Əgər Aznetdə sayt sahibisinizsə artıq başa düşün kseroks kağızlarla edilən reklam effektsizdir və şəhəri zibilləməkdən başqa bir işə yaramır.
• Əgər Aznetdə istifadəçisinizsə bilməlisiniz ki, YouTube`da videoya baxmaq olur, yoxsa internetin indiki sürət imkanlarıyla bunu praktik öyrənməyiniz mümkün olmayacaq.
• Əgər Aznetdə istifadəçisinizsə bilməlisiniz ki, dünya ölkələrində lokal şəbəkədən istifadə üçün yerli dili bilmək kifayətdirsə, Aznetdən istifadə üçün hətta ingilis, rus, türk və azərbaycan dillərini bilmək də kifayet deyil. Gərək bunlardan əlavə Aznetin öz ləhcəsini də biləsən ki, nə yazıldığını başa düşəsən... Məsələnini görüb məsələnin nə yerdə olduğunu aşağıdakı şəkildən anlamaq olar.


Aznetin “püfff” nöqtələri 1-ci hissə..